باسل النجار = الرياض في الجمعة 2 ديسمبر 2022 06:43 مساءً - حلت الفنانة صابرين، ضيفة مع الإعلامية إنجي على في برنامج ” أسرار النجوم”، المذاع على ” إذاعة نجوم إف إم”، وكشفت عن طبيعة علاقتها بالفنان يحيي الفخراني، حيث أكدت أن هناك كيمياء في التمثيل بينهما.

وقالت صابرين : “فيه كيمياء بيني وبين يحيي الفخراني، وبتبقى إيدي سايبة وأنا بمثل معاه، ودايمًا في حالة بتركبنا إحنا الاتنين في أي مشهد”.

وتابعت: “يحيي الفخراني من المدرسة التلقائية، مفيش تمثيل، هو بيتكلم ومن كتر ما أنا حسيتها، الجملة اللي بعديها بدمع، وقدمنا أعمال كتيرة مع بعض”

واستطردت: “في افتتاح مهرجان الدراما، قالوا إزاي يحيي الفخراني مسلمش عليها؟! ومفيش حاجة حصلت، فيه حالة مقربة بيني وبين يحيي، وبين لميس جابر زوجته، فيحيي الفخراني حبيبي وأول ناس اطمنوا عليا لميس وشادي ابنه، وأول ناس باخد رأيهم يحيي الفخراني ولميس جابر”.

وأردفت: “هو بيحب شقاوتي، ودايمًا يقوللي مداعبًا: إنتي هتفضلي عيلة كده على طول، عيشي سنك.. وأنا بحب زمايلي جدًا، حتى لما بتحصل مشكلة مع الوقت الدنيا بتروق.. الدنيا مش مستاهلة خالص”