باسل النجار = الرياض في الجمعة 2 ديسمبر 2022 03:43 مساءً - حل الشاعر الغنائي تامر حسين، ضيف مع الإعلامية منى الشاذلي، في برنامج ” معكم منى الشاذلي”، المذاع علي فضائية سي بي سي، وكشف حسين تفاصيل جديدة عن أشهر أغنياته للهضبة عمرو دياب، موضحًا أن الكوبليه الأخير من أغنية “3 بنات” تم حذفه.

وأكد تامر حسين إن الجزء المحذوف يوضح أن القصة فانتازية، قائلا: ” في معلومة بقولهالكم لأول مرة إن الأغنية دي آخرها حلم، واحد كان بيحلم، في فانتازيا، يعني مكنش من الطبيعي حد يقابل 3 بنات مرة والتلاتة يرحبوا بيه ويعزموه، فكان في كوبليه محذوف في النهاية”.

وبسؤاله عن الجزء المحذوف، قدّمه تامر حسين لأول مرة في استديو “معكم”، والذي جاء نصه: “ليه يا نوم صحيت ده يوم على كيفي.. ده حلم كان جميل كسرت مجاديفي.. لو حكيت للناس هيقولوا ده خياله.. هيقولوا لي دي قصة تأليفي”.

على صعيد آخر، أشار تامر حسين إلى أنه كتب أغنية «قدام مرايتها» لابنته ليان، بينما أغنية «يتعلموا» لابنه مالك، قائلا: «قدام مرايتها دي بنتي ليان، لأن أنا شخص مليش خلق أقف استنى حد، ليان نيجي خارجين وإحنا ع الباب تقولي أنا عايزه اغير الفستان فتغير وتقيس كتير وتقولي ده أحسن ولا ده.. وقتها كان عمرها 4 سنين.. ومالك وقتها كان لسه مولود وبشوش فعملت له (اللي عنده ضحكة زي دي)»