الأربعاء 12 أكتوبر 2022 01:27 صباحاً - ظهر تعليق البلوجر أمنية فاروق على اكتشاف طلاسم سحر على صورها وهو الذي فاجئ الجميع، وذلك بعدما تم اكتشاف هذه الصور داخل مقابر اليهود في الإسكندرية خلال الساعات الأخيرة الفائتة.

تعليق البلوجر أمنية فاروق على الطلاسم الموجودة على صورها

وعلقت البلوجر أمنية فاروق على انتشار صور لها وعليها رموز طلاسم سحرية من خلال مواقع التواصل الاجتماعي “فيس بوك”، وقالت “وماهم بضارين به من أحد الا بإذن الله، مش هقول غير حسبي الله ونعم الوكيل، أنا راضيه يارب وبحمدك و بشكرك علي أي ابتلاء”.

وردت أمنية فاروق على رموز الطلاسم السحرية المنتشرة على صورها، قائلة “ما حدش يعرف أنا بقالي 4 سنين عايشة ازاي، حياتي ادمرت ازاي، شوفت أيام وليالي تصعب علي الكافر، اتمرمط هنا وهنا عشان أفك نفسي تعب اكتئاب خنقه عياط قهر وجع قلب، وفعلا كنت كتير جدا بفكر في إني اتخلص من حياتي، وكنت برجع أقول يارب خاليك جمبي، فقر شغلي فشلت فيه، بقيت بعيدة عن الناس كلها”.

طلاسم السحر على صور البلوجر أمنية فاروق

وقالت أمنية “ربنا العالم أنا كام مرة حولت وعافرت، أنا بقالي سنه ضهري كله ملبوس، حياتي حالها متشقلب، محدش وقف جمبي ولا ساعدني جريت هنا وهنا وانا دموعي ماكنتش بتقف يوم الف مليون مرة، اتحديت السحر والسحرة والاعمال والجن وكنت أظهر فجأة وبعد كدة اتعب تاني واختفي صراع طويل بـ عمر بحاله 20 سنه أسحار شوفت فيهم العذاب أشكال وألوان”.

سحر للبلوجر أمنية فاروق بالآلام ظهرها

وأضافت قائلة “حسبي الله ونعم الوكيل الف مليون مرة في كل ساحر اذاني وعارفه ومتأكدة ان ربنا كبير وهينصرني ويتم شفائي علي خير ، حسبي الله ونعم الوكيل الف مرة علي عملي سحر في ضهري وبهدلني ربنا ينتقم منه في صحته وحياته وحسبي الله في كل مؤذي، ومن كل قلبي شكرا لكل الناس للي كلمتني وخافت عليا وبعتتلي واتصلت عليا ادعولي أي حد بيحبني يدعيلي ربنا يعوضني خير وانا كنت عارفه وبتعالج مؤخرا بل القرآن ولما اخلص علاج واخف خالص هساعد أي حد ماذي انه يروح المكان دا وهيبقي عن تجربه بعد تعب ولف سنين، و ربنا يكفيكو شر السحر والسحرة اللهم امين، ادعولي ربنا يشفيني و يفك كربي ويأذي المؤذي”.