باسل النجار = الرياض في السبت 1 أكتوبر 2022 05:35 مساءً - تصدرت الإعلامية ” ياسمين عز” في الآونة الأخيرة تريند مواقع التواصل الاجتماعي، وذلك بسبب تصريحاتها عن الحياة الزوجية، حيث علقت  ياسمين عز على بعض المشاكل الزوجية التي تحدث بين الزوجين وذلك من خلال برنامجها ” كلام الناس” المذاع على فضائية mbc، قائلة :” إن أغلب الرجال يتساءلون عن سبب تغير معظم السيدات معهم بعد الزواج بالنسبة للإهتمام والحب، ومنهم من وجد إجابة عن السؤال ومنهم من لم يجد “.

ووجهت ياسمين عز كلامها للسيدات قائلة: “ليه بعض الستات لما اجوازهم ينزلوا الشغل مش بيعدلولهم ياقة القميص، ولا بيعبروهم، ليه مش بتتصل بيه وهو في الشغل تقوله وحشتني، ولو اتأخر في الشغل تكلمه تقوله مش هناك غير لما ترجع واطمن عليك، ليه كل اللي كان بيحصل وقت الخطوبه مبقتش تعمله بعد الجواز “.

وتابعت: “اعرف ستات لما اجوازهم ينزلوا الشغل ولا بيعبروهم، ويالا في ستين سلامة وكأن لسان حالها يقولهم المركب اللي تودي”.

وأضافت :” من الطبيعي بعد كده لما ينزل الشارع أو يروح الشغل ويلاقي واحده بتبتسم له، مش بعيد يتعلق بيها، أو يعجب بيها وترجعي تشتكي أن الرجالة عينها زايغة ليه”.

وأكملت حديثها قائلة :” وأول ميرجع جوزها للبيت، بدل ما تسأله عملت ايه انهارده ياحبيبي، بتبقى قاعدة قمطة القمطة وفاتحة سرينة الشكاوي، وتقوله راسي وجعاني وايدي تعباني والعيال هلكوني ودماغي مصدعة ومش قادرة اتكلم”.

ووجهت سؤال للستات :”ليه لما حد يجي من أهلك الولائم تشتغل والمحمر والمشمر والأصناف والأشكال والألوان تظهر، وفي الأيام العادية مفيش حاجة بتتعمل للراجل الشقيان اللي طالع عينه، فين ايام لما كانت الست تدي لجوزها الجزء الكبير من الفرخة وتاكل بقيتها هي والعيال”.