باسل النجار - القاهرة - الأربعاء 8 مايو 2024 03:55 مساءً - تصدر أسم الفنانة المصرية تريند مواقع التواصل الاجتماعي منذ الأمس، عقب ظهورها في حلقة برنامج صاحبة السعادة مع الإعلامية والفنانة إسعاد يونس، وتصدر حديثها عن زوجها السابق أحمد العوضي، والتي أكدت على استمرار الحب بينهم بالرغم من الانفصال.
ياسمين عبد العزيز تعشق العوضي بعد الطلاق
تداول رواد مواقع التواصل الاجتماعي رسائل الحب التي كشفت عنها ياسمين عبد العزيز وأحمد العوضي في تصريحاتهم السابقة على شاشات التليفزيون، فبعد مرور عدة أشهر على الطلاق ظهر الثنائي في البرامج الحوارية وأثبت كل منهم الأخر استمرار الحب بينهم.
قالت ياسمين: «أنا مش بحب أحمد أنا بعشقه، أنا بقيت رقيقة أوي، مكنتش كده والله، انتي جايباني عشان أعيط أصلك عمالة تضغطي على حاجات بتوجعني، وجايبة لي حاجات كلها بتوجع».
واستكملت: «لما حبيت أحمد اكتشفت أن أنا مكنتش بحب قبل كده، إن الحب اللي قبل كده ده أنا محبتش، أن أحمد أول حب في حياتي، وكنت فاكرة أن قبل كده ده حب، لا مكانش حب لأ هو الحب الحقيقي أحمد، وأنا عن نفسي عملت استخارة وروحت عملت عمرة ودعيت ربنا اللي رايده هيكون، وأنا ربنا عايز يمشيني في السكة دي أنا راضية واللي هو عايزه يكون، وحتى لو كان عايز يدخلني في سكة مش على رغبتي لأ هو اللي شايف مش ممكن يكون ده خير».
وأضافت: «وأنا عارفة أن أحمد بيحبني على فكرة، وهو عارف إني بحبه، وبعيدًا أن فيه سبب من الأسباب مينفعش نتكلم فيه ومش خيانة، عشان في ناس مؤذية كتير، ده في ناس مورهمش حاجة غير أنهم يؤذوني بس بقالهم سنين، وأنا مش هينفع أتكلم في تفاصيل، والجمهور الناس الحقيقية اللي بتحبنا هي حبانا مع بعض، وفيه بقى الناس الشريرة اللي بتسخن وفيه ناس قلبها أسود ميقدروش يشوفوا اتنين بيحبوا بعض عشان هما ميعرفوش يعني أيه حب، جواهم كره محبوش فميعرفوش يعني ايه حب».
أحمد العوضي عن ياسمين عبد العزيز هي الحب الوحيد
وفي إحدى حلقات برنامج «على المسرح» تحدث أحمد العوضي، عن علاقته بطليقته الفنان المصرية ياسمين عبد العزيز، وأكد أنها بالنسبة له حبه الوحيد والعلاقة الحقيقية في حياته الشخصية، على الرغم من انفصالهما القريب.
وحكى العوضي عن ياسمين قائلاً: «عشت مع ياسمين عبد العزيز أحلى أيام حياتي، عشنا أيام فيها حب ونجاح وأزمات وحروب ومرض، وهي وقفت معايا حتى لما تعبت بعد ما اتطلقنا وقفت جنبي، أنا تأثرت نفسيا بعد الانفصال ومتكسفش إني أقول كده».