باسل النجار = الرياض في الثلاثاء 23 أبريل 2024 05:24 مساءً - ملاحظة سريعه قبل أن تقرا هذا الموضوع، عندنا راقصات سافرو للحج والعمرة عشرات المرات..

صافيناز فى الكنيسه …
ضجه كبيره قوى والصحف والمجلات والتلفزيون هاتك ياتصوير واخبار وعنواين ضخمه الراقصه صافيناز فى الكنيسه تصلى …
الأخبار كلها جايه فى صيغة تعجب ازاى الراقصه اللى طول اليوم معريه جسمها ومطيره عقول الرجاله تصلى ..
وكإن الناس حكموا عليها بالخطيئه طول حياتها ، بمعنى انتى ماينفعيش تصلى ، الصلاه مش ليكى ..
امال الصلاه لمين ؟
السما بتفرح برجوع خاطئ واحد خيرا ، انت متخيل ان السما بسلطانها وجيوشها وملايكتها بتفرح برجوع خاطئ واحد بس …
انت متخيل قوة العباره ومعناها ..
الناس كلها حكمت على صافيناز انها مخطئه وماينفعش تصلى ، امال دور العباده مبنى لمين ؟
ماهو بيتبنى للناس اللى زى صافيناز عشان يعرفوا فيه ربنا صح …
صافيناز عرت جسمها عشان الفلوس ، فى ناس تانى باعت مبادئها عشان الفلوس ، ناس شهدت زور عشان الفلوس ، ناس زورت وخانت العيش والملح وسرقت عشان الفلوس ، ناس باعت لحمها عشان الفلوس لكن كل دول فى المستخبى ماحدش شايفهم بيظهروا دايما فى دور المثال الجيد والصالح ، لكن ربك عالم بالنوايا وبيقبل الكل ، ربنا ماقالش للخاطى اطلع بره ماتدخلش بيتى ، توبتك مش مقبوله بالعكس ده قال اننى أتيت للخطاه كى أرجعهم مرة اخرى ..
الصوره فيها كمية أمل لكل واحد فينا ان ربنا بينادى علينا وعاوزنا نرجع تانى لبيته ، وننسى شهوات العالم ..
قبل كدا قرات قصه حقيقيه عن ممثلة افلام بورنو امريكيا تابت وقدمت توبه حقيقيه والان أصبحت من ضمن المبشرين الأقوياء جدا لكلمة ربنا …
وفى نهاية كلامى أحب اختم بعباره جميله جدا …
من منكم بلا خطيه فليلقيها بحجراً …